Transcription
1
Monseigneur, monsieur de Monferrier ma faict entendre
2
comment le vifbaillif de Sainct Marcellin a faict
3
faire publier dans le dict Sainct Marcellin que ung chacung
4heust à aller [barré : à s ] à la messe et processions sans nuls exepter
5
sur peyne de vint et cinq souls damande tellement que
6
les chastellains du ressord nont estés paresseux à lever le
7
double des dictes proclamations pour les faire publier rière
8
leurs mandementzs et daultant comme ma mayson où à present
9
ie suis est rière le dict bailliaige et mandement de Tullins
10
et que dimenche les dictes proclamations se doibvent faire
11
ou bien samedi le jour du marché, je vous ay bien volu
12
despescher ce pourteur pour entendre la volunté du roy,
13
pour ne voulloyr aulcunement faillir à lobeissance que
14
je luy doibs, comment graces à Dieu, je nay faict jusques
15
icy et quil vous playset me rendre sage de cela pour
16
rendre à sa magesté ce que je luy doibs et à Dieu aussi
17
ou bien en approcher de plus près que je pourrey ; et pour
18
ce que je entends beaucoup des procedés extraordinaires,
19
je me vouldroys tant m’asseurer pour recepvoir la
20
recompense que plusieurs ont recepue [sic] et reçoivent tous
21
les jours ceulx comme si endorment par trop, vous priant me
22
faire entendre la volunte du roy de la votre à la quelle
23
toutte ma vie jay desiré et desire hobeyr daussi bonne
24
volunté comme je prie Dieu
25
Monseigneur vous donner en parfaicte sancte longue et
26
heureuse vie et à moy me maintenir touiours en votre
27
bonne grace à laquelle desire humblement estre
28
recommandé. De Veurey ce IIe octobre 1572
29
Votre très humble et affectioné
30
serviteur Sernaing
31
Jay touiours la fiebvre carte bien forte.
32
Monsieur de Sainct André pareilliement